الإثنين, 03 أيلول/سبتمبر 2012 12:25

حكايتي مع المترو

انا اسمى نادية عادل وقررت احكى تفاصيل كل اللى حصل معاى يوم الاربع 9-5-2012 كنت ف انور السادات على رصيف الجيزة الساعه 10 ونص وطبعا الدنيا زحمة فا انا رحت اركب في عربية السيدات واول ما دخلت لقيت البنات بيتخانقوا فى الاولاد بيقولولهم ينزلوا من عربية السيدات فقط (اللى لونها احمر). فا بدات اساعدهم اننا ننزلهم وهم في قمة البرود محدش بينزل بدانا كلنا نستغيث بالناس اللى على الرصيف وفى ولد جوة العربية عمال يهزر ويضحك ويقول مش نازلين غير انى فهمت بعد كده انه اصلا اللى بدا يضايق البنات. الموضوع طول والمترو لسه واقف والخناقات كبرت الناس اتلموا وبيحاولوا يسكتونا وكان مافيش حد بيضايقنا فى العربية وكانه مافيش حد كاسر القانون اللا اعتراضاتنا